Mooger Fooger
Mooger Fooger со концертна промоција на албумот Ла Кања
Последниот продукт на групацијата Mooger Fooger, албумот Ла Кања, е богатство од различни сензибилитети и креативци од кои концертно ќе ги видиме: Горан Трајкоски (Падот на Византија, Анастасија, Мизар), Драган Гиновски - Гино (Архангел), Зоран Тортевски (Хармосини, Мизар), мултиталентираните Сашко Костов и Ади Имери, виртуозот Мухамед Ибрахими, како и поетот Џабир Дерала...
Last Expedition се едни од ексклузивни гости на овој музички настан, славната рок приказна која му претходеше на Mooger Fooger во 90-те. Тие ќе ја почeстат публиката со неколку од своите хитови кои наизуст ги пее веќе втора генерација вљубеници во рок културата.
Exic. Се сеќавате ли на извонредниот проект од крајот на 90-те години? Најавангардните рок фаци во земјава во тоа време се собраа да создадат еден прекрасен, слоевит, мултилингвален албум со незаборавни траки. Да, и овие фаци ќе бидат на сцената на МКЦ, оживувајќи ја меморијата со песните So many loves, Странец, Таксист...
The Black & Vice Social Club ќе настапат како предгрупа, garage rock power трио од Скопје предводено од Ади Имери (вокал и гитара). Со својот настап тие ќе направат најава за деби албумот кој се очекува да излезе напролет.
Ова ќе биде вистинско музичко торнадо.
Без фолирање, без шминка.
Експлозивно и контемплативно, сурово и деликатно, визуелно...
Неповторливо!
Вреди да се биде таму на 8-ми февруари.
Билети во претпродажба во музичката продавница 1/2 Југотон ГТЦ 1 кат и онлајн преку Купи Карти За Се.
Цената на билетите од 21-ви јануари до 27-ми јануари изнесува 150 ден.
Од 27-ми јануари до 8-ми февруари 2013 картите ќе чинат 200 ден.
Билетите на врата ќе се продаваат по цена од 300 ден.
