Ракометниот клуб Металург ги одреди цените на влезниците за 1/4 финалниот натпревар од Велукс ЕХФ Лига на шампионите против германскиот ракометен гигант ТХВ Кил кој ќе се одигра на ден 19.4.2014 година (сабота) во 18.30 часот. Цените по блокови се следните:

-Блок Б7, Б8 и Б9 (15 % од вкупниот капацитет на СЦБТ) се по цена од 350 денари,

-Блок Б2, Б3, Б4, Б5, Б6, Б10, Б11, Б12, Б14, Б15 (50% од вкупниот капацитет на СЦБТ) по цена од 500 денари,

-Блок М7, М8, М9 (10 % од вкупниот капацитет на СЦБТ) по цена од 500 денари и

-Блок М1, М2, М3, М4, М12, М13, М14 и М15 (20% од вкупниот капацитет на СЦБТ) по цена од 700 денари. 

Сите фанови на Металург кои поседуваат БЛОК влезници од групната фаза на Велукс ЕХФ Лига на шампиони, во од периодот 9.4 – 12.4 (среда-сабота) ќе можат истите со доплата да ги заменат за местото на седење кое го поседуваат. Промената на блок влезниците ќе се одвива ИСКЛУЧИВО во продажното место на „КупиКартиЗаСе“,  ½ Југотон во Гратски трговски центар-Скопје со приложување на блок влезницата. Секоја непроменета блок влезница во периодот предвиден за таа намена ќе оди во слободна продажба која ќе стартува на ден14.4.2014 година (понеделник) во 17 часот.

Потсетување: РК Металург во сезоната 2013/14 продаде околу 3.000 блок влезници во следните блокови:

-Блок Б2, Б3, Б4, Б5, Б12, Б14 по цена од 1000 денари,

-Блок М1, М2, М3, М4, М12, М13, М14 и М15 по цена од 1.500 денари.

Спортски поздрав.