Ракометниот клуб Металург ги одреди цените на влезниците за 1/8 финалниот натпревар од Лига на шампионите против дански шампион Колдинг кој ќе се одигра на ден 23.3.2014 година (недела) во 16.55 часот. Цените по блокови се следните:

 

-         Блок Б7, Б8 и Б9 (15 % од вкупниот капацитет на СЦБТ) се по цена од 250 денари,

-         Блок Б2, Б3, Б4, Б5, Б6, Б10, Б11, Б12, Б14, Б15 (50% од вкупниот капацитет на СЦБТ) по цена од 400 денари,

-         Блок М7, М8, М9 (10 % од вкупниот капацитет на СЦБТ) по цена од 400 денари и

-         Блок М1, М2, М3, М4, М12, М13, М14 и М15 (20% од вкупниот капацитет на СЦБТ) по цена од 600 денари.  

 

Сите наши фанови кои поседуваат БЛОК влезници од групната фаза на ЛШ, во од периодот 8.3 – 14.3 (сабота-петок) ќе можат истите да ги заменат за местото на седење кое го поседуваат. Промената на блок влезниците ќе се одвива ИСКЛУЧИВО во продажното место на „КупиКартиЗаСе“,  ½ Југотон во Гратски трговски центар-Скопје и истата ќе може да се реализира само со приложување на блок влезницата на самото продажно место. Блок влезницата ја задржува сопственикот како сувенир. Секоја непроменета блок влезница во периодот предвиден за таа намена ќе оди во слободна продажба која ќе стартува на ден 17.3.2014 година (понеделник) во 17 часот.

 

Потсетување: РК Металург во сезоната 2013/14 продаде околу 3.000 блок влезници во следните блокови:

-         Блок Б2, Б3, Б4, Б5, Б12, Б14 по цена од 1000 денари,

-         Блок М1, М2, М3, М4, М12, М13, М14 и М15 поцена од 1.500 денари.