Во чест на божиќните празници, традиционално, единаесета година по ред, на 8 Јануари 2012 година, со почеток во 20 часот, во Универзална Сала ќе се одржи "Божиќен Концерт" во соработка со камерниот оркестар "Скопски Солисти", под диригентската палка на бугарскиот диригент Андреј Андреев, а во изведба на тенорот Никола Китановски и пијанистот Игор Панцевски.

Посетителите на концертот ќе можат да уживаат во класичните мелодии на реномираните автори Албинони, Моцарт, Рахманинов, Сорозобал, Шуберт и Барток.

Уживањето во божиќната магија ќе ве чини 500 денари, а билети можете да набавите преку продажната мрежа на Купи Карти За Се.