Френк Запа претставува една од најкарактеристичните музички фигури кои го одбележаа 20 тиот век и се смета за еден од најиновативните и стилски најразновидните музичари на неговата генерација. Тој е американски музичар, композитор, текстописец и водач на бенд чија работа се карактеризира со нонконформизам, импровизација во слободна форма, звучни експерименти, музичка виртуозност и сатира на американската култура.

Во својата кариера, долга повеќе од 30 години, Запа компонира во рамките на рок, поп, џез, џез- фјужн музика, создава оркестарски и Musique concrète дела (музика која користи снимени звуци од природата) и ги продуцира речиси сите, повеќе од 60, албуми издадени со неговиот бенд Mothers of Invention и како соло уметник. Тој, исто така, режирал долгометражни филмови и музички спотови, и дизајнирал корици на албуми.

Запа накратко експериментирa со биг бендови во раните 70-ти и повторно за време на неговата последна турнеја во 1988 година, но неговата музика совршено се адаптира за биг бенд изведба.

Не пропуштајте да бидете дел од уште едно несекојдневно шоу и да ужувате во биг бенд аранжманите на музиката на Запа, во изведба на ЗЏМ Биг Бенд Оркестарот. На сцената на Филхармонија, на Биг Бендот ќе му се придружи, за Вас веќе познатиот австриски диригент, маестро Зиги Фајгл.

Локација: Филхармонија

1 декември, 20 часот

Билети по цена од 600 денари:

https://filharmonija.mk/ и на билетара

https://mktickets.mk/

https://www.kupikartizase.com/