Beyond HR Forum 2021

 

 Почитувани,


Со големо жалење ве известуваме дека поради објективни причини, Beyond HR Forum 2021 ќе се премести на нов датум кон крајот на месец Август за кој ќе бидете дополнително известени. На новиот датум се гледаме со уште поголем број на панелисти и гости кои не беа во можност да присуствуваат на првичниот термин.

Со почит, 
Тимот на Beyond HR Forum 2021

 

 

За првпат Скопје ќе биде домаќин на Beyond HR Forum 2021 – централен настан за професионалците од областа на човечките ресурси на кој ќе говорат врвни претставници од корпоративниот и државниот сектор во Македонија.

 

На 15 јули, во Хотел Мериот во Скопје, за првпат ќе се одржи Beyond HR Forum 2021 кој претставува централен настан во портфолиото на компанијата BeyondHR® и има за цел да ја обедини бизнис заедницата во Македонија, а најмногу HR професионалците кои директно или индиректно управуваат со пазарот на трудот.

 

На форумот, кој е всушност прв голем HR настан со физичко присуство од почетокот на пандемијата, ќе имате можност да слушнете за најновите предизвици, информации, методи и идеи од светот на човечките ресурси директно преку искуствата на врвни претставници од корпоративниот и државниот сектор во Македонија.

 

Агендата на Beyond HR Forum 2021 е поделена во четири панели, меѓу кои:

 

1. Образованието како основа за градење на интелектуалниот капитал на компаниите

2. Одливот на мозоци – проблем кој може да се надмине со human centric HR методологии

3. Хибридното работно место - ново секојдневие на вработените во 21 век или привремена мерка за справување со Ковид-19?

4. Агилен HR, како ќе изгледа управувањето со човечките ресурси пост пандемијата со Ковид-19?

 

Целта на овој форум е да им овозможи на учесниците да се здобијат со заклучоци и решенија за гореспоменатите предизвици со кои во моментов се соочува корпоративниот свет, како и да произведе иницијативи за нивно надминување по пат на активна соработка помеѓу релевантните чинители. 

 

Наскоро следуваат повеќе информации за говорниците и панелистите на Beyond HR Forum.